कोमलची राष्ट्रीय वेटलिफ्टिंग स्पर्धेत सुवर्ण कामगिरी

पाथर्डी- इटानगर, अरुणाचल प्रदेश येथे झालेल्या सिनियर राष्ट्रीय वेटलिफ्टिंग स्पर्धेत कु. कोमल वाकळे हिने ८७ किलो वजन गटात २१२ किलो वजन उचलून इंटरस्टेट स्पर्धेत सुवर्णपदक तर ओवरऑल रौप्य पदक पटकावले. 

तिने सलग गुजरात व गोवा येथे झालेल्या नॅशनल गेम्स वेटलिफ्टिंग स्पर्धेतही दोन सुवर्णपदक मिळवले होते. कोमल बाबुजी आव्हाड महाविद्यालयाची माजी विद्यार्थिनी असून ती बाबुजी आव्हाड महाविद्यालयाच्या वेटलिफ्टिंग सेंटरमध्ये सराव करते. तिला महाविद्यालयाचे शारीरिक शिक्षण संचालक व अहमदनगर डिस्ट्रिक्ट वेटलिफ्टिंग असोसिएशनचे सचिव प्रा. डॉ. विजय देशमुख यांचे मार्गदर्शन मिळाले. या यशाबद्दल पार्थ विद्या प्रसारक मंडळाचे अध्यक्ष अभय आव्हाड, उपाध्यक्ष ॲड. सुरेशराव आव्हाड, महाविद्यालयाचे प्राचार्य डॉ.जी. पी. ढाकणे अहमदनगर डिस्ट्रिक्ट वेटलिफ्टिंग असोसिएशनचे अध्यक्ष प्रा. सुभाष देशमुख, उपाध्यक्ष राजेंद्र सोनवणे यांनी अभिनंदन केले. तिच्यावर सर्व स्तरातून अभिनंदनचा वर्षाव होत आहे.