३८ गावांची तहान भागविणार्या योजनेच्या निकृष्ट काम वृत्ताची दखल ! झालेल्या निकृष्ट कामाचे काय ?

मिरी - पाथर्डी तालुक्यातील पश्चिम भागातील ३८ गावांच्या पिण्याच्या पाण्याच्या योजनेचे काम निकृष्ट होत असल्याच्या तक्रारीचे वृत्त अधिराज्य मध्ये प्रसिध्द होताच संबंधित अधिकाऱ्यांनी या कामास भेटी देवुन संबंधित ठेकेदारास सुचना दिल्या आहेत पण निकृष्ट झालेल्या ६० कि.मी. कामाची चौकशी करुन हे काम पुन्हा करावे.

पाथर्डी तालुक्यातील पश्चिम भागातील सततच्या पाणी टंचाईवर मात करण्यासाठी जलजिवन मिशन अंतर्गत आमदार प्राजक्त तनपुरे यांनी पाठपुरावा करुन योजनेस मंजुरी मिळविली, या योजनेत पाथर्डी तालुक्यातील तिसगाव, केशव शिंगवे, रुपेवाडी, सातवड, आडगाव, शिरापुर, जवखेडे खालसा, करडवाडी, कासार पिंपळगाव, पारेवाडी, कासारवाडी, कोल्हार, लोहसर, भोसे, करंजी, राघुहिवरे, मोहोळ बु. मोहोज खु., रेणुकावाडी, वैजुबाभुळगाव, डोंगरवाडी, धारवाडी, कडगाव, दगडवाडी, मांडवे, निबोंडी, शिराळ, चिचोंडी, त्रिभुवनवाडी, पवळवाडी, कौडगाव, देवराई, घाटसिरस, डमाळवाडी, खांडगाव, जोहारवाडी आदि गावांचा समावेश आहे. या कामास प्रत्यक्ष सुरुवात झाली. मात्र पाईप लाईनची खोली नियमाप्रमाणे नसल्याने या भागातील ग्रामस्थ व शेतकऱ्यांनी तक्रार प्रकाशित होताच संबंधित अधिकाऱ्यांनी या कामाची पहाणी करुन संबंधित ठेकेदारांना सुचना दिल्या. ३१२ किलोमिटर लांबीच्या या योजनेचे तोपर्यंत रात्रंदिवस काम करुन ६० किलोमीटरचे निकृष्ट काम झाले होते. निकृष्ट झालेल्या पाईप लाईनचे काम पुन्हा उकरुन पुर्ण करण्याची मागणी या योजनेतील अनेक गावातील ग्रामस्थ व शेतकऱ्यांकडुन होत आहे.

आतापर्यंत या भागात कोट्यावधी रुपये खर्च करुन वांबोरी पाईप लाईन योजना तसेच मिरी-तिसगाव प्रादेशिक पाणी योजना झाल्या मात्र त्याची पुनरावृत्ती परत होवु नये म्हणुन झालेले काम पुन्हा उकरुन दुरुस्त करण्याची मागणी ॲड. संदिप अकोलकर, मच्छिंद्र अकोलकर, राजेंद्र अकोलकर, महादेव अकोलकर, विठ्ठल मुटकुळे, शंकर आठरे, बाळासाहेब मुखेकर, अश्विन मुटकुळेसह अनेक गावातील ग्रामस्थ व शेतकऱ्यांनी तक्रार केली आहे.जलजिवन योजनेंतर्गत पाथर्डी तालुक्यातील ३८ गावांचा समावेश असलेल्या योजनेचे काम वेगाने चालु आहे. या योजनेच्या पाणी लाईन खोदाईबाबतच्या तक्रारींची आपण दखल घेवुन सुचना दिल्या, झालेल्या कामाबाबत लवकरच निर्णय घेवु असे प्रोजेक्ट मॅनेजर इजाज सय्यद यांनी सांगितले.