शेतकऱ्यासाठी खुशखबर,जमीन हस्तांतरासाठी सलोखा योजने अंतर्गत मुद्रांक शुल्कात मोठी सवलत !

पाथर्डी - सलोखा योजना या शासनाचे महत्वाकांक्षी योजने अंतर्गत महाराष्ट्र शासन, महसूल व वन विभाग,यांचेकडील शासन निर्णय अन्वये एका शेतक-याच्या नावावरील शेतजमिनीचा ताबा दुस-या शेतक-याकडे व दुस-या शेतक-याच्या नावावरील शेतजमिनीचा ताबा पहिल्या शेतक-याकडे असणा-या शेतजमीन धारकांचे अदलाबदल दस्तासाठी नोंदणी फी व मुद्रांक शुल्कामध्ये सवलत देण्याची "सलोखा योजना" राबविण्यात येत आहे.

याबाबत महसूल विभागाच्या वतीने प्रसिद्धीस देण्यात आलेल्या पत्रकात म्हटले आहे कि,पाथर्डी व शेवगाव तालुक्यातील सर्व शेतकरी बांधवाना आवाहन करण्यात येते की,पाथर्डी व शेवगाव तालुक्यातील मालकी हक्काबाबतचे वाद, शेत जमीन मोजणीवरुन होणारे वाद, जमिनीच्या ताब्याबाबतचे वाद, रस्त्याचे वाद, शेत जमीन मोजणीवरुन होणारे वाद, अधिकार अभिलेखातील चुकीच्या नोंदीमुळे होणारे वाद, शेतीवरील अतिक्रमणामुळे होणारे वाद, शेती वहिवाटीचे वाद, भावा - भावांतील वाटणीचे वाद, शासकीय योजनेतील त्रुटी किंवा प्रस्ताव अमान्यतेबाबतचे वाद इत्यादी कारणांमुळे शेतजमिनीचे वाद शेतक-यामध्ये आहेत.सदर वाद संपुष्ठात येवून समाजामध्ये सलोखा निर्माण व्हावा व एकमेकांतील सौख्य, शांतता व सौहार्द वाढीस लागावे यासाठी महाराष्ट्र शासन, महसूल व वन विभाग यांनी " एका शेतक-याच्या नावावरील शेतजमिनीचा ताबा दुस-या शेतक- कडे व दुस-या शेतक-याच्या नावावरील शेतजमिनीचा ताबा पहिल्या शेतक- याकडे असणा-या शेतजमीन धारकांचे अदलाबदल दस्तासाठी नोंदणी फी व मुद्रांक शुल्कामध्ये सवलत देण्याची“ सलोखा योजना " राबविण्यात येत आहे.

एका शेतक-याच्या नावावरील शेतजमिनीचा ताबा दुस-या शेतक-याकडे व दुस-या शेतक-याच्या नावावरील शेतजमिनीचा ताबा पहिल्या शेतक-याकडे असणा-या शेतजमीन धारकांचे अदलाबदल दस्तांसाठी मुद्रांक शुल्क नाममात्र रुपये अंकी १०००/- (अक्षरी एक हजार रुपये मात्र) व नोंदणी फी नाममात्र रुपये अंकी १०००/- (अक्षरी एक हजार रुपये मात्र) आकारण्याबाबत सवलत देण्याची सलोखा योजना शासन निर्णय क्रमांक/मुद्रांक /2022/प्र.क्र.93/म-1 (धोरण) दिनांक ३ जानेवारी २०२३ अन्वये राबविण्यात येत आहे.

सलोखा योजनेअंतर्गत लाभ घ्यावयाचा झाल्यास काय करावे लागेल ?

१) एका शेतक-याच्या नावावरील शेतजमिनीचा ताबा दुस-या शेतक-याकडे व दुस-या शेतक-याच्या नावावरील शेतजमिनीचा ताबा पहिल्या शेतक-याकडे असणा-या शेतजमीन धारकांचे अदलाबदल दस्तांसाठी नोंदणी फी व मुद्रांक शुल्कामध्ये सवलत देण्याबाबतची अधिसूचना शासन राजपत्रात प्रसिध्द झाल्याचे दिनांकापासुन दोन वर्षाचे आत आपणास लाभ घेता येईल.

२) सदर योजनेअंतर्गत लाभ घ्यावयाचा झाल्यास पहिल्या शेतक-याच्या शेतजमिनीचा ताबा दुसरया शेतक-याकडे व दुस-या शेतक-याच्या शेतजमिनीचा ताबा पहिल्या शेतक-याकडे किमान १२ वर्षापासुन असला पाहिजे.

३) एकाच गावात जमीन धारण करणा-या शेतक-यांचे परस्परांकडे मालकी व ताबा असले बाबतचा

वस्तुस्थितीदर्शक पंचनामा हा मंडळ अधिकारी व तलाठी यांनी विहीत पंचनामा नोंदवहीमध्ये केला पाहिजे. व लाभ घेवू इच्छिणा-या शेतकरी बांधवानी हा पंचनामा तलाठी यांचे जावक क्रमांकासह पंचनामा प्रमाणपत्र तलाठी यांचेकडुन प्राप्त करुन घ्यावे लागेल.

४) अदलाबदल दस्त नोंदणीवेळी शेतक-यांनी पंचनामा दस्तास जोडणे आवश्यक राहील.

५) सलोखा योजनेअंतर्गत दस्तामध्ये अधिकार अभिलेखातील सर्वसमावेशक शेरे, क्षेत्र, भोगवटादार वर्ग/सत्ताप्रकार,पुनर्वसन/आदिवासी/ कुळ इत्यादी सर्व बाबी विचारात घेवुन दोन्ही शेतकरी यांनी सर्वसंमतीने हा अदलाबदल दस्त नोंदवित आहे अशी अट दस्तात नमुद करणे आवश्यक राहील.

६) या योजनेमध्ये पहिल्याचा ताबा दुस-याकडे व दुस-याचा ताबा पहिल्याकडे असणा-या दोन्ही बाजुकडील क्षेत्रामध्ये कितीही फरक असला तरी सर्व शेतकरी यांना या योजनेचा लाभ घेता येणार आहे.

७) सलोखा योजना अंमलात येण्यापूर्वी काही पक्षकारांनी जमिनीची अदलाबदल केली असेल किंवा अदलाबदल दस्तासाठी अगोदरच मुद्रांक शुल्क व नोंदणी फी भरली असेल तर त्याचा परतावा मिळणार नाही.

८) अकृषिक (बिनशेती) रहिवासी तसेच वाणिज्यिक वापराच्या जमिनीस सदर योजना लागू असणार नाही.

९) पहिल्या शेतक-याच्या नावावरील शेतजमिनीचा ताबा दुस-या शेतक-याकडे व दुस-या शेतकरयाच्या नावावरील शेतजमिनीचा ताबा पहिल्या शेतक-याकडे या व्यतिरिक्त इतर वैयक्तिक जमिनीचे अदलाबदल करण्याबाबतच्या प्रकरणांचा सलोखा योजनेत समावेश होणार नाही किंवा अशी प्रकरणे मुद्रांक शुल्क व नोंदणी फी सवलतीस पात्र असणार नाही.

१०) सदर योजनेअंतर्गत लाभ घ्यावयाचा झाल्यास आपले गावातील तलाठी यांचेकडेस अर्ज करावा लागेल.अधिक माहितीसाठी आपण नजीकच्या तलाठी, मंडळाधिकारी व तहसिलदार यांचे कार्यालयांशी संपर्क साधुन माहिती प्राप्त करु शकता व आपले गावाचे तलाठी यांचेकडेस अर्ज करु शकता.