अनिल खाटेर यांना पत्रकार भुषण पुरस्कार !

 

पाथर्डी येथील अभ्यासू पत्रकार अनिल खाटेर यांना लोककला साहित्यिक परीषद महाराष्ट्र राज्य यांच्या वतीने देण्यात येणारा पत्रकार भुषण पुरस्कार जाहीर करण्यात आला आहे. येत्या १ जुन रोजी होणाऱ्या संत ज्ञानेश्वर साहित्य संमेलनात विविध मान्यवरांच्या उपस्थितीत हा पुरस्कार प्रदान करण्यात येणार आहे. या संस्थेचे अध्यक्ष बाबासाहेब पवार यांनी प्रसिद्धी पत्रकाद्वारे ही घोषणा केली असून प्रसिद्धीस दिलेल्या पत्रकात म्हटले आहे की, संस्थेच्या वतीने अनिल खाटेर यांची पत्रकार भुषण या पुरस्कारासाठी निवड करण्यात आली आहे. अनेक वर्षांपासून करत असलेल्या पत्रकारिता, सांस्कृतिक, सामाजिक, जनजागृती विषयक कार्याची दखल घेऊन हा पुरस्कार प्रदान करण्यात येणार आहे. पत्रकार अनिल खाटेर यांना हा पुरस्कार जाहीर झाल्यामुळे पाथर्डी तालुक्यातील विविध क्षेत्रातील अनेक मान्यवरांकडून त्यांचे अभिनंदन होत आहे.