नवरात्र उत्सवात मोहटादेवी चरणी १ कोटी ६५ लाखाचे दान

 

पाथर्डी - राज्यभर प्रसिद्ध असलेल्या श्रीक्षेत्र मोहटादेवी गडावर संपन्न झालेल्या शारदीय नवरात्र महोस्तवामध्ये लाखो भाविकांनी देवी दर्शन घेऊन सुमारे १ कोटी ६५ लाखाचे दान देवीस अर्पण केली.

देवस्थानचे दानपेटयाची मोजदाद नुकतीच अहमदनगर येथील धर्मादाय उप आयुक्त यांचे प्रतिनिधी श्री उमाकांत फड , देवस्थान विश्वस्त , पाथर्डी येथील सराफ मे. काशिन्नाथ वामन शेवाळे, पोलीस व देवस्थान सुरक्षा व सीसीटीव्ही चे निगराणीमध्ये संपन्न झाले.यावेळी रोख रक्कम रुपये १ कोटी ०१ लाख २ हजार मात्र तसेच सोने २६७ ग्रम मूल्यांकन रूपये १६ लाख ३१ हजार , चांदी वस्तू ९ किलो १२५ ग्रम मूल्यांकन रुपये ६ लाख ८४ हजार ६०० मात्र, पावत्यांव्दारे रु. ३३ लाख ७६ हजार ७६० मात्र तसेच कावड, पालखी एकत्रित रुपये २ लाख २० हजार ६२५ मात्र, अॉनलाईन रुपये ५ लाख १२ हजार ४०० मात्र अशा विविध स्वरुपात रुपये १ कोटी ६५ लाखाचे देणगी देवस्थानास प्राप्त झाली. वेळेअभावी देणगीची मोजणी पूर्ण होऊ शकलेली नाही.

शारदीय नवरात्र महोस्तव यशस्वी होणेसाठी अहमदनगर चे प्रमुख जिल्हा न्यायाधीश सुधाकर यार्लगड्डा यांचे मार्गदर्शनाखाली देवस्थानचे चेअरमन तथा अहमदनगर चे जिल्हा न्यायाधीश-१ सुनील गोसावी , पाथर्डीच्या दिवाणी न्यायाधीश तथा विश्वस्त श्रीमती अश्विनी बिराजदार, उपवनसंरक्षक श्रीमती सुवर्णा माने, तहसीलदार श्याम वाडकर, गट विकास अधिकारी डॉ. जगदीश पालवे, विश्वस्त शशिकांत दहिफळे, बाळासाहेब दहिफळे, सौ. प्रतिभा दहिफळे, विठ्ठल कुटे , अक्षय गोसावी, श्रीराम परताणी, अँड. कल्याण बडे, डॉ. श्रीधर देशमुख , श्रीमती अनुराधा केदार, अँड . विक्रम वाडेकर यांनी भाविकांना विशेष सुविधा उपलब्ध करून दिल्या.

देवस्थानचे चेअरमन तथा जिल्हा न्यायाधीश-१ सुनील गोसावी यांनी शारदीय नवरात्र महोस्तव शांततेत संपन्न होणे करिता विविध विभागांनी, संस्थांनी केलेल्या सहकार्याबद्दल अधिकारी, कर्मचारी, भाविक भक्त , ग्रामस्थ यांचे आभार व्यक्त केले. अशी माहिती देवस्थानचे मुख्य कार्यकारी अधिकारी सुरेश भणगे यांनी दिली.