बालकांच्या वास्तवाला भिडणारे बालसाहित्य हवे - डॉ विठ्ठल जाधव.

 

पाथर्डी : जिल्हा परिषद प्राथमिक शाळा हंडाळवाडी येथे साहित्यिक आपल्या भेटीला अंतर्गत बीड येथील प्रसिद्ध साहित्यिक डॉ विठ्ठल जाधव यांना निमंत्रित करण्यात आले होते. नुकतीच

त्यांच्या बालसाहित्य विषयक संशोधनाला डॉ बाबासाहेब आंबेडकर मराठवाडा विद्यापीठ ची विद्यावाचस्पती (पीएच.डी.) पदवी प्राप्त झाल्यामुळे सत्काराचे औचित्य होते. यावेळी शाळेतील इयत्ता सहावी आणि सातवीच्या विद्यार्थीनीं कु. पुजा हंडाळ व कु.कविता खांडेकर यांनी डॉ विठ्ठल जाधव सरांची मुलाखत घेतली. त्यांनी दिलेली दिलखुलास उत्तरे विद्यार्थ्यांना खूप आवडली. डॉ जाधव यांनी भाषणातून विद्यार्थ्यांशी संवाद साधतांना कविता म्हटल्या. त्याला विद्यार्थ्यांनी टाळ्या वाजवून व सोबत म्हणून उत्सुर्तपणे प्रतिसाद दिला. यावेळी बोलताना डॉ. जाधव म्हणाले की,बालकांना आवडणारी बालसाहित्य लिहायला हवे. बालसाहित्य बालकांच्या वास्तवाला भिडणारे,त्याचे बालसुलभ जगणे समजून घेणारे असावे.या कार्यक्रमाचे सूत्रसंचालन व आभारप्रदर्शन रमेश गर्जे सरांनी केले.‌ तर कार्यक्रमाची सर्व तयारी विजय गायकवाड सरांनी केली.