मराठा आरक्षण प्रश्नी पाथर्डी बंदला प्रतिसाद !

 

पाथर्डी - सकल मराठा समाजाने मनोज जरांगे यांच्या उपोषणाला पाठींबा म्हणून पुकारलेला पाथर्डी बंदला प्रतिसाद मिळाला असून पाथर्डी शहरात सकाळी दुकाने बंद ठेवून बंद पाळण्यात आला.

मराठा आरक्षण प्रश्नी पाथर्डीं तालुक्यातील सकल मराठा समाज्याच्या वतीने अंतरवाली सराटी येथे प्राणांतिक उपोषणास बसलेले मनोज जरांगे पाटील यांच्या उपोषणास पाठिंबा दर्शविण्यासाठी सकल मराठा समाज्याच्या वतीने पाथर्डीं बंदची हाक देण्यात आली होती.शहरातील स्व. वसंतराव नाईक चौकात शेकडो मराठा तरुणांनी एकत्र येत सर्वांनी बंद पाळण्याचे आवाहन केले. व शहरातुन जरांगे यांच्या समर्थनार्थ घोषणा देत रॅली काढली.नाईक चौकात या बंदमध्ये सहभागी झाल्याबद्दल सर्वांचे आभार व्यक्त करण्यात येवुन या निषेध रॅलीचा समारोप झाला.

दरम्यान आज शहरातील हॉटेल, पान टपरी, फळाचे गाड्या सह भाजी बाजार व मुख्य बाजारपेठेतील सर्वच व्यवहार बंद होते.या बंद मधुन अत्यावश्यक सेवा व वैद्यकीय सेवा यांना वगळण्यात आले होते. या अत्यावश्यक सेवा वगळता शहर मात्र कडकडीत बंद होते. यावेळी विष्णूपंत अकोलकर, बंडूशेठ बोरुडे, सचिन वायकर,अनंत ढोले, दत्ता पाठक, सुनील कदम, उद्धव माने, बबन सबलस, डॉ.रामदास बर्डे, बबलू खोर्दे, अर्जुन शिंदे, रामेश्वर शिवणकर, बबलू वावरे, नामदेव लबडे,सोमनाथ माने, संजय बोरुडे, सोमनाथ भापकर,पांडुरंग काकडे, प्रताप एकशिंगे आदींसह  मराठा तरुण उपस्थित होते.