मोहटादेवीला दीडकिलो चांदीचा मुकुट अर्पण

पाथर्डी - बीड लोकसभा मतदारसंघातील भाजपा उमेदवार पंकजा मुंडे यांची राजकीय पुनर्वसन व्हावे त्यांच्यासारख्या जनाधार असलेल्या लोकनेत्यावर पक्षात होत असलेला अन्याय दूर व्हावा यासाठी जलक्रांती अभियानाचे प्रवर्तक माजी प्रदूषण आयुक्त व ओबीसी नेते दिलीपराव खेडकर यांनी मोहटादेवीला चांदीचा मुकुट अर्पण करील असा नवस केला होता त्यानंतर भाजपने पंकजा मुंडे यांना बीड मतदार संघातून लोकसभेची उमेदवारी जाहीर केली खेडकर यांनी मागील महिन्यात देवी चरणी नवस बोलल्याप्रमाणे खेडकर यांनी सुमारे दीड किलो वजनाचा चांदीचा सुबक कला कसूर कुसर असलेला मुकुट मोठा देवी चरणी लोकनेते पंकजाताई मुंडे यांच्या हस्ते आज अर्पण केला.

यावेळी पंकजाताई मुंडे यांच्या समवेत खासदार सुजय विखे आमदार मोनिका राजळे माजी मंत्री शिवाजी कर्डिले भाजपचे राज्यचिटणीस अरुण मुंडे भालगावच्या लोकनियुक्त माजी सरपंच डॉक्टर मनोरमा खेडकर दिलीपराव खेडकर जिल्हा उपाध्यक्ष माणिक खेडकर मुकुंद गर्जे आदींसह कार्यकर्ते उपस्थित होते. मोहटादेवी येथे दिलीप खेडकर व पंकजाताई समर्थकांनी ढोल ताशाच्या गजरातून जेसीबी मधून फुलांची उधळण करत भव्य साठ फुटी पुष्पहार,फटाक्यांची आतिषबाजी व घोषणाबाजी करत पंकजाताईंचे जोरदार स्वागत केले. यावेळी पंकजाताई मुंडे म्हणाले की मोहटादेवी हे मुंडे कुटुंबियांचे श्रद्धास्थान असून या ठिकाणाहून मला लढण्याची शक्ती मिळते.

शिवशक्ती यात्रेवेळी मोहटा देवी येथे येता आले नाही त्याची मनात खंत होती बीड लोकसभा मतदारसंघात पहिले पाऊल ठेवण्या अगोदरच मोहटादेवी चरणी नतमस्तक होऊन मोहटादेवीचे आशीर्वाद घेऊन भगवान बाबांच्या वास्तव्याने पुनित झालेल्या या भूमीला वंदन करून आपण मतदार संघात पहिले पाऊल ठेवणार आहोत. बीड मतदार संघात माजी लढाई ही विचारांची लढाई आहे कोणत्याही व्यक्ती विरोधात माझी लढाई नाही. स्वर्गीय मुंडे साहेबांनी कधीही जातीपातीचे राजकारण केले नाही तोच वारसा आम्ही चालवत आहोत मी शिवशक्ती यात्रेवेळी मासाहेब जिजाऊ, क्रांतीज्योती सावित्रीबाई फुले, माता रमाई यांचा आदर्श घेऊन शाहू फुले आंबेडकरांच्या विचारांचा जागर करीत छत्रपती शिवाजी महाराजांच्या या महाराष्ट्रात निर्विघ्नपणे शिवशक्ती यात्रा पूर्ण केली. स्वर्गीय मुंडे साहेब व माझ्यावर प्रेम करणाऱ्या कार्यकर्ते यांची ही देवीवर अपार श्रद्धा आहे त्यांनी माझ्यासाठी नवस बोलला हे माझ्यावरील प्रेम आहे सामान्य कार्यकर्त्यांनी श्रद्धेने एक फूल जरी अर्पण केले तरी ते माझ्यासाठी लाख मोलाचे आहे. कार्यकर्त्यांच्या प्रेमाला व भावने ला कुठलीही आचारसंहिता नसते यासाठी यावेळी दिलीपराव खेडकर यांनी जोरदार स्वागत केले तर माणिकराव खेडकर यांनी आभार मानले.