पाथर्डीतून दोन शाळकरी मुलीचे अपहरण

पाथर्डी – शहरातील दोन अल्पवयीन शाळकरी मुलींचे अज्ञात आरोपींनी शनिवारी अपहरण केल्याच्या दोन घटना घडल्या असून याबाबत दोन वेगवेगळ्या फिर्यादी पोलीस ठाण्यात दाखल झाल्या आहेत या घटनेचा पोलीस बारकाईने तपास करत असले तरी या घटने मुळे शाळकरी मुले व पालक वर्गात कमालीची भीती व दहशत निर्माण झाली आहे.  

शहरातील एका शाळेत गेलेली अल्पवयीन मुलगी दुपारी जेवनाच्या सुट्टीत घरी आली व परत शाळेत गेली त्या नंतर संध्याकाळी शाळा सुटली परंतु हि मुलगी घरी परतली नाही. तिच्या पालकांनी मुलीच्या शिक्षकांना फोन करुन मुलीबाबत विचारपुस केली असता शिक्षकांनी सांगितले कि मुलगी शाळा सुटल्यावर घरी गेली परंतु ती घरी आली नसल्याने मुलीच्या पालकांनी व नातेवाईकांनी पाथर्डी शहरात व आजबाजूच्या गावात मुलीचा शोध घेतला मात्र मुलीचा शोध लागला नाही म्हणून मुलीच्या पालकांनी अज्ञात आरोपी विरुद्ध अल्पवयीन मुलीचे अपहरण केल्याची फिर्याद दाखल केली आहे.

तर दुसऱ्या एका घटनेत शहरातील एक अल्पवयीन मुलगी याच वेळेला घरातून नातेवाईकांना काही एक न सांगता निघुन गेली असून तिचा आजुबाजुला सर्वञ शोध घेतला परंतु ती मिळुन आली नाही म्हणून मुलीच्या पालकांनी व नातेवाईकांनी पाथर्डी शहरात व आजबाजूच्या गावात शोध घेतला मात्र मुलीचा शोध लागला नाही म्हणून मुलीच्या पालकांनी अज्ञात आरोपी विरुद्ध मुलीचे अपहरण केल्याची फिर्याद दाखल केली असून दोनही गुन्ह्याचा तपास पोलीस निरीक्षक सुहास चव्हाण यांच्या मार्गदर्शना खाली पोलीस उप निरीक्षक सचिन लिमकर हे करत आहेत.

पाथर्डी शहरातील जुने व नवीन बस स्थानक तसेच पोळा मारोती परिसर, माणिकदौंडी चौक ते शिक्षक कॉलनी तसेच माणिकदौंडी चौक ते शिरसाठवाडी रस्तावरील शाळा सुटण्याच्या व भरण्याचा वेळेला टवाळ खोराचे अनेक ग्रुप दुचाकीवर येवून खुलेआम रस्त्यावर शाळकरी मुलींची छेड काढत असतात यामुळे विध्यार्थिनी मध्ये या टवाळ खोरांची दहशत आहे परंतु या अनुचित प्रकारा कडे पोलीस व शाळा प्रशासन दुर्लक्ष करत असल्याने अनेक पालक मुलीना शाळेत पाठवायला धजावत नाहीत. पोलीस अधीक्षकांनी या प्रकाराकडे लक्ष घालण्याची आवश्यकता निर्माण झाली आहे.