सरकारी योजना गरीबांच्या झोपडीत पोहचविण्याचे काम पवित्र - पालवे

पाथर्डी - कोरोना मधे घरातील कर्ता पुरुष गेल्याने एकल झालेल्या महीलांना जगण्याची उभारी देण्यासाठी कोरोना एकल समिती व इतर विभागांनी केलेले कार्य कौतुकास्पद असून संकटात असलेल्या महीलांना आधार देण्याचे काम संघटीतपणे केले पाहीजे,शिलाई मशिन देवुन कुटुंबाला आर्थिक हातभार लागेल, सरकाराच्या योजना गरीबांच्या झोपडीत पोहचविण्याचे काम करणारे हात ही पवित्र असल्याचे प्रतिपादन पंचायत समीतीचे गटविकास अधिकारी डॉ.जगदिश पालवे यांनी केले. 

पंचायत समितीच्या स्वर्गीय गोपिनाथ मुंडे सभागृहात स्टेट बँक आँफ इंडीया अधिकारी असोशियन पाथर्डी, कोरोना एकल महीला पुर्नवसन समिती , स्नेहालय उडान बालविवाहमुक्त अभियान, पंचायत समिती पाथर्डी, एकात्मिक बालविकास प्रकल्प अधिकारी कार्यालय पाथर्डी यांच्या सयुंक्त विद्यमाने एकल महीलांना शिलाई मशीन वाटप कार्यक्रमाचे आयोजन करण्यात आले होते. यावेळी पंचायत समितीच्या माजी सभापती सुनिताताई गोकुळभाऊ दौंड, स्टेट बँकेचे पाथर्डी शाखेचे प्रबंधक नितीन वानखेडे,उपप्रबंधक मनोज जाधव, उमदचे जिल्हा व्यवस्थापक बाबासाहेब सरोदे, उमेदचे तालुका व्यवस्थापक आण्णासाहेब मोरे,एकात्मिक बालविकास प्रकल्पाच्या पी.बी. गोरे, राजेंद्र सावंत, किसन आव्हाड ,अनिता पालवे, स्नेहालय उडानचे प्रविण कदम, संदीप क्षिरसागर, बालुशेठ लाहोटी, अमोल घोलप,गोरक्ष ढाकणे, जालींदर मामु शिरसाट,हिरकणी महीला प्रभाग संघाच्या अध्यक्षा पार्वती खेडकर, सचिव रंजना सावंत, कोषाध्यक्षा रेणुका कराड, शालीनी आव्हाड, राजेश केडाळे व अंगणवाडी सेविका, मदतनीस उपस्थीत होत्या.

यावेळी बोलताना सुनिताताई दौंड म्हणाल्या, महीलांना आधार देण्याचे काम कोरोना एकल समिती व त्यांचे सहकारी करीत आहेत. संकटातील महीलांना उद्योग उभा करुन त्यांना आर्थिक आत्मनिर्भर करण्याचे काम हे कौतुकास्पद आहे.तुम्ही सांगाल ती जबाबदारी पार पाडु. मला सामाजिक कार्यात आवड आहे.राजकराणापेक्षा सामाजिक कामातुन मिलणारे समाधान मोठे आहे. यावेळी आरती दहीफळे (चिंचपुर इजदे), मनिषा कराळे (कडगाव), जयश्री टाकसाळ (मोहोजदेवढे), आरती देशमुख (कोरडगाव), चित्रा पवळे (खरवंडी) यांना शिलाई मशीन वाटप करण्यात आले.किसन आव्हाड यांनी प्रस्ताविक केले. राजेंद्र सावंत यांनी सुत्रसंचालन केले.