देवराई जवळील अपघातात मोटार सायकलस्वार जागीच ठार

 

करंजी - नगर-पाथर्डी महामार्गावरील देवराईच्या जवळ पिकअप आणि मोटार सायकलच्या अपघातात एक तरुण मोटार सायकलस्वार जागीच ठार झाला तर एक जण गंभीर जखमी झाला. या अपघातानंतर महेंद्र पिकअप गाडी शेजारच्या शेतात जावुन थांबली. 

नगर-पाथर्डी महामार्गाचे काम चालु आहे. या रस्त्यावरील देवराईगावाच्या जवळ तिसगावच्या दिशेने चाललेली महिंद्रा पिकअप (नं.एम.एच.०५-बीएच-६०३६) आणि समोरुन तिसगाववरुन येणार्‍या मोटारसायकल (नं. एम.एच.-१६-बीजी-८३९८) यांच्यात समोरासमोर जोराची धडक झाली. या अपघातात पल्सर मोटार सायकलवरील सुनिल भरत बर्डे (वय २१ वर्ष, रा. कौडगाव, ता. पाथर्डी) हा मोटार सायकलस्वार जागीच ठार झाला. तर अविनाश बाळासाहेब जाधव ( वय १९ वर्ष), रा. कौडगाव, ता. पाथर्डी हा तरुण गंभीर जखमी झाला. महिंद्रा पिकअपच्या चालक मालकाचे नाव समजु शकले नाही. समोरासमोर झालेल्या या अपघातात पल्सर गाडीचे मोठे नुकसान झाले तर पिकअप गाडीचा स्टेअरिंग राॅड तुटल्याने पिकअप गाडी शेजारच्या शेतात जावुन थांबली. पाथर्डी पोलिस स्टेशनला गुन्हा दाखल करण्याचे काम चालु आहे. या रस्त्याचे काम गतीने चालु आहे मात्र या रस्त्यावरील अपघाताची मालिका थांबता थांबेना.