पाथर्डीतील पुढारी महाशयाने केले स्वतचे नग्न फोटो शेअर !

पाथर्डी – पालिका हद्दीतील एका सोशल मिडिया व्हाटसअप ग्रुपवर चक्क एका माजी नगरसेवकाच्या नावाने असलेल्या मोबाईल क्रमांका वरून नगरसेवकाने स्वतचे अश्लील नग्न फोटो शेअर केल्याने पाथर्डी शहरासह तालुक्यात खळबळ उडाली आहे.

जीवन सुंदर आहे पण .. या व्हाटस अप ग्रुपवर पहाटे ३.३० वाजता एका माजी नगरसेवकाच्या मोबाईल क्रमांका वरून स्वतचे नग्न व अश्लील फोटो शेअर करण्यात आले असून सदरील फोटो सकाळी १० वाजणे पर्यंत हटवण्यात आले नसल्याने ते परिसरात व्हायरल झाले असून सदरील नगरसेवकाच्या या कृत्या बाबत चर्चेचा विषय झालेला आहे. पहाटे ३ वाजता सदरील नग्न फोटो या भोंगळ महाशयांना नेमके खाजगी मैत्रिणीला पाठवायचे होते कि आपल्या गुप्त संपत्तीचे सार्वजनिक प्रदर्शन करावयाचे होते याबाबतची चर्चा गल्लोगल्ली रंगत आहेत.   

पाथर्डी शेवगाव तालुक्याच्या व अहमदनगर जिल्ह्याच्या आजी माजी लोकप्रतिनिधींच्या ताफ्यात वावरत अश्लील फोटो शेअर करणाऱ्या या भोंगळ महाशयांची एरव्ही सार्वजनिक कार्यक्रमातून दिमाखात वावर असतो. अश्या कार्यक्रमात व ताफ्यात महिलांचाहि वावर असतो मग विकृत मानसिकता असलेल्या या महाशयांची वाईट दृष्टी महिलां भगिनीवर पडतच असणार यात शंका नाही. पाथर्डी व शेवगाव तालुक्यांना प्रतिभाशाली व कर्तुत्ववान पुढाऱ्यांचा वारसा लाभलेला आहे मग अश्या आज पुढाऱ्यांच्या विकृत मानसिकतेची पातळी इतकी का खालावली हा चिंतनाचा विषय बनला आहे. राजकीय गट तट,यांची गोळा बेरीज करत असताना नितीमुल्ये असलेले नेतृत्व बाजूला अडगळीला पडले असल्याची जाणीव आता पाथर्डी करांच्या बोलण्यातून व्यक्त होत आहे. रात्री अपरात्री हॉटेलवर,रस्त्यावर मदधुंद अवस्थेत राडा करणारे,पुणे मुंबई मधील अलिशान पब मध्ये जावून ललनांची संगत करणारे पुढारी कम ठेकेदार जनतेचा काय भल करणार ? निवडणुकीत आश्वासनाच्या वाऱ्यावर मते मिळवून निवडून आल्यावर खुलेआम ठेकेदारी करणारे व त्यातून गडगंज संपत्ती कमवून उन्मत्त झालेले पुढारी पाथर्डी तालुक्याच्या इतिहासात नक्कीच काळा डाग ठरत आहेत. देशभर सांस्कृतिक वारसा जपण्याची शिकवण देणाऱ्या पक्षाचे स्थानिक लोकप्रतिनिधी याबाबत येत्या कालावधीत काय भूमिका घेतात याकडे पाथर्डी शेवगाव मतदार संघातील जनतेचे लक्ष लागले आहे.